نادين الراسي: خي جورج انقتل ودم جورج ما بروح هيك

صرحت الممثلة اللبنانية نادين الراسي إثر وفاة شقيقها الفنان اللبناني جورج الراسي لموقع “الجرس”، وأعربت عن حزنها واستنكارها لما حصل قائلةً: “خي جورج انقتل، قتلولي خي، مين مسؤول عن هيدي الطريق، كيف تاركينا هيك، جورج بسوق، جورج شوفير، وجورج قلبوا قوي”.

كما توجهت الراسي الى الإعلامية نضال الاحمدية مؤكدةً “خي انقتل يا نضال من ورا وزير الاشغال، من ورا ما في اضاءة الطرقات، جورج انقتل”.

كما أضافت “طقت رقبتوا على السرعة وفات الدركسيون بصدره، وزينة رفيقته نفس الشي، هيدا قتل ومنو حادث”، لافتةً الى أن”جورج ما بروح فطيس ولا بروح رخيص، دم جورج ما بروح هيك لو بدها تكلفني عمري، بدي ارفع دعوى على وزير الاشغال وعلى كل شخص له يد بهذا الموضوع، واذا القضاء ما اخدلي حقي كالعادة دم جورج الراسي ما بروح هدر”.

وشددت الراسي على أنه “والله يا نضال بحرقلوا قلبو لوزير الاشغال وهيدي مسجلة عندك لان حرق قلب امي على جورج، بدي فوت عالحبس؟ ابه اكلة شاربة نايمة ما بدي شي، بدي دم خي ما يروح هيك”.